Манас» аэропортунун жолун жеңил унаа менен жарышкандар жаап алып, ары-бери каттоого тоскоолдук кылышкан.
Окуя болгон жерге жол милициясынын экипаждары келгенде да ээнбаштар баш бербей, каршылык көрсөтүшкөн.
Окуя боюнча Чүй облустук жол кыймылын көзөмөлдөө башкармалыгы «BMW үлгүсүндөгү унаасы жарышка түшүп жаткан жеринен кармалып, айдоочусуна карата укук бузуу Кодексинин 189 беренесине ылайык протоколу түзүлүп, Сокулук аймагынын айып короо жайына киргизилди. Калган жол эрежесин бузууга аракет кылган унаалардын бары изделүүдө»,- дешти.
