Кыргызстандык ырчы Азат Раимбердиев Россиянын «Ну-ка, все вместе!» музыкалык долбоорунда экинчи орунду ээледи.
Биринчи орунду душанбелик Фаррух Хасанов, үчүнчүнү москвалык Софико Кардава жеңип алды.
Белгилей кетсек, долбоордо 64 ырчы 100 калыстардын сынынан өттү. Калыстар тобунун жетекчиси Сергей Лазарев жана көрсөтүүнүн алып баруучусу Николай Басков ырчы-конкурсанттарга, калыстарга жана көрүүчүлөргө колдоо көрсөткөндүгү үчүн ыраазычылык билдиришкен.
Бул долбоордун бешинчи сезону. Анын баш байгеси — 5 миллион рубль.
