28-декабрда Жалал-Абад шаарынын Байзаков проспектисиндеги кароосуз калган сквер реконструкцияланып, ага Баткендеги чек ара жаңжалында каза болгон жоокер Нурислам Карыбековдун ысымы берилди. Бул тууралуу Жалал-Абад шаардык мэриясынан кабарлашты.
Карыбеков Нурислам Токтонбекович 2003-жылы Сузак районунун Багыш айыл аймагында төрөлгөн. Ал 2021-жылы өз каалоосу менен Баткен облусунун Бужум айылындагы 2051 аскер бөлүгүндөгү «Бөрү» отрядында кызмат өтөп жатып, 2022-жылы Баткендеги чек арадагы жаңжалда мекенин коргоп жатып каза болгон.
