Аткезчилик жол менен ташылып келген 12 тонна мандарин алынды. Бул тууралуу Мамлекеттик бажы кызматынын Баткендеги башкармалыгы билдирди.
Маалыматка ылайык, Евразия экономикалык бирлигинин бажы аймагына товарларды жана транспорт каражаттарын мыйзамсыз ташып кирүү жана ташып чыгуу фактыларын табууга жана бөгөт коюуга багытталган иш-чаралардын жүрүшүндө, Мамлекеттик бажы кызматынын Баткендеги кызматкерлери УКМКнын Баткендеги кызматкерлери менен биргеликте Кыргыз Республикасына чектеш мамлекеттен мыйзамсыз товар ташып келүү боюнча 3 фактыны аныкташты.
Алар 3-мартта Баткен шаарында КРдин жаранынын башкаруусундагы «Mercedes-Benz Sprinter» үлгүсүндөгү автоунааны токтотуп текшеришкен. Текшерүү учурунда 4100 кг салмактагы мандариндин мыйзамсыз ташылып келе жатканы аныкталган.
Мындан сырткары, 4-мартта Баткен шаарында КРдин жаранынын башкаруусундагы «Mercedes-Benz Sprinter» үлгүсүндөгү автоунааны токтотуп текшеришкен. Текшерүү учурунда 3600 кг салмактагы мандариндин мыйзамсыз ташылып келе жатканы аныкталган.
Ошондой эле, ушул эле күнү Баткен шаарында КРдин дагы бир жаранынын башкаруусундагы «Mercedes-Benz Sprinter» үлгүсүндөгү автоунааны токтотуп текшеришкен. Текшерүү учурунда 4360 кг салмактагы мандариндин мыйзамсыз ташылып келе жатканы аныкталган.
Бул фактылар Кылмыштардын жана жоруктардын бирдиктүү реестрине катталып, материалдар тергөөгө өткөрүлүп берилди.
