Жер титирөөдөн кийин Алматы облусундагы 19 объектинин имаратында жаракалар аныкталды. Бул тууралуу Казакстандын Өзгөчө кырдаалдар министрлиги кабарлаган.
Маалыматка караганда, жер силкинүүдөн кийин ыкчам штабдарда уюшулган телефон номуруна жарандардан 800дөн ашык чалуу болгон. Калаадагы ооруканаларга дээрлик 70 киши медициналык жардам сурап кайрылган.
Эскерте кетсек, Казакстанда термелүүнүн күчү Алматыда 5, Чымкентте 4 баллга жеткен. Ошондой эле жер титирөө Астана шаарында, Алматы облусунда, Чыгыш-Казакстан, Жетису, Жамбыл, Караганды облустарында да сезилген.
