13 жоокерден кургак учук илдети аныкталды. Бул тууралуу Шаардык кургак учукка каршы ооруканасынын башкы дарыгери Тамара Баялиева жергиликтүү маалымат булактарына билдирген.
Анын айтымында, алардын 12си Абадан коргонуу күчтөрүнүн зениттик-ракеталык бригадасынын жоокерлери, ал эми бир жоокер башка бөлүктөн.
Буга чейин Баялиева бейтаптардын алгачкылары ооруканага 21-январда түшкөнүн билдирген.
«Бейтаптардын абалы канааттандырарлык. Ушул жумада биринчи бейтапты чыгарууну пландап жатабыз. Бардыгында кургак учуктун жабык түрү бар. Балким, ачык түрү менен ооруган аскер башка ооруканада дарыланып жаткандыр», — деген ал.
