Талас облусунун капиталдык курулуш башкармалыгында коррупциялык схема аныкталды. Бул тууралуу УКМК билдирет.
Тактап айтканда, бул курулуш башкармалыгынын айрым кызматкерлери «МПМК-Талас» курулуш ишканасынын жетекчилери менен алдын ала сүйлөшүп алып, облустун Манас районунун таза суу куурларын реабилитациялоо боюнча аткарылган иштердин баасын кымбаттатып жазган.
Мындай тымызын сүйлөшүүнүн натыйжасында долбоордо каралган иштер аткарылган эмес, аудитордук текшерүүнүн жыйынтыгында мамлекеттин бюджетине 5 млн 213 миң сом зыян келтирилгени аныкталган. Учурда тергөө иштери жүрүүдө.
