Кримчөйрөдө Алтуха каймана ат менен таанымал Алтынбек Ибраимовдун баш коргоо чарасы өзгөртүлдү. Бул тууралуу Биринчи Май райондук сотунун басма сөз кызматынан билдиришти.
«Биринчи Май райондук сотунун чечими менен 4-марттан тарта Алтынбек Ибраимовдун үй камагына алуу түрүндөгү баш коргоо чарасы сотко чейинки өндүрүш ишинин аягына чейин сыртка чыкпоо тил катына өзгөртүлдү», — деп билдиришти басма сөз кызматынан.
Эскерте кетсек, 2021-жылдын 13-январында УКМК уюшкан кылмыштуу топтордун ишмердүүлүгүнө каршы күрөшүү боюнча жүргүзүлүп жаткан иштердин алкагында Алтынбек Ибраимов аттуу уюшкан кылмыштуу топтун активдүү мүчөсүн кармаган.
