Каракол шаарында тоноочулукка шектелип эки жаран кармалды. Бул тууралуу Ысык-Көл ОИИБ билдирди.
Милицияга Теплоключенка айылынын 18 жаштагы тургуну арыз менен кайрылган. Анын айтымында, 24-апрелде шаардагы сейил бакта аны эки чала тааныш жигит коркутуп, Айфон 13 уюлдук телефонун тартып алышкан. 14-июнда ошол эле балдар коркутуу жолу менен Редми телефонун тартып алып, материалдык чыгым 75 миң 500 сомду түзгөн.
Шектүү катары Каракол шаарынын 19 жаштагы тургундары аныкталды. Шаардык соттун чечими менен эки айга камакка алуу баш коргоо чарасы тандалган. Тергөө амалдары уланууда.
