Президент Садыр Жапаров бүгүн, 9-августта, Астана шаарында Борбор Азия мамлекеттеринин башчыларынын Алтынчы Консультативдик жолугушуусуна катышты.
Иш-чара Казакстан Республикасынын Президенти Касым-Жомарт Токаевдин төрагалыгы алдында өттү.
Жолугушуунун жыйынтыгында Борбор Азия өлкөлөрүнүн лидерлери төмөнкү документтерге кол коюп, кабыл алышты:
1. Борбор Азия мамлекеттеринин башчыларынын Алтынчы Консультативдик жолугушуусунун жыйынтыгы боюнча Борбор Азия мамлекет башчыларынын биргелешкен билдирүүсү.
2. “Борбор Азия-2040” аймактык кызматташтыкты өнүктүрүү концепциясы.
3. 2025-2027-жылдарга аймактык кызматташтыкты өнүктүрүүнүн жол картасы.
4. “Өзбекстан Республикасынын Президенти Ш.М.Мирзиёевди Борбор Азия мамлекеттеринин башчыларынын Ардак белгиси менен сыйлоо жөнүндө” Борбор Азия мамлекеттеринин башчыларынын Алтынчы Консультативдик жолугушуусунун чечими.
