Сосновка постунда саат 16:45тен тарта оор жүк ташуучу унааларга убактылуу чектөө киргизилди. Учурда Бишкек-Ош унаа жолунда тазалоо, кум себүү иштери жүрүүдө.
Ошондой эле Суусамыр-Талас-Тараз унаажолунда да оор жүк ташуучу унааларга убактылуу чектөө киргизилип, аймакты караган №36 Жол тейлөө ишканасынын кызматкерлери инерттик материалдарды чачып жатышат.
Министрлик айдоочуларды жол эрежесин так сактап, унаа дөңгөлөктөрүн кышкыга алмаштырып алуу, тайгакка каршы чынжырларды алып жүрүү зарыл экендигин жана унаалар ортосундагы 500 метр аралыкты сактоо керектигин белгилейт.
