Президенттин администрациясынын маалыматтык саясат кызматынын жетекчиси Дайырбек Орунбеков социалдык тармактарда цирктин шыбы урап түшкөнү тууралуу жалган маалымат тарап жатканын билдирди.
Ал социалдык тармактарга тараган видео эски экенин айтып, оңдоо иштери жүрүп жаткан кезде тартылганын белгиледи.
«Чынында, бул видео оңдоо иштери жүрүп жаткан кезде тартылган, ошол учурда жумушчулар кошумча жарык берүү үчүн шыптын бир бөлүгүн убактылуу алып салышкан. Ошондо жарыктын жетишсиз экени аныкталып, аны жакшыртуу чечими кабыл алынган. Азыр эч кандай бузулуу же зыян жок, каалаган адам барып, муну өз көзү менен текшерсе болот«,- деди Орунбеков.
