Токтогул ГЭСин реабилитациялоо 2025-жылы аяктап, анын кубаттуулугу 240 МВтка көбөйүп, 1440 МВтка жетти.
Бул тууралуу Министрлер кабинетинин төрагасы Адылбек Касымалиев Жогорку Кеңештин жыйынында билдирди.
Анын айтымында, 2021-жылдан бери өлкөдө 35 чакан ГЭС ишке киргизилген. Жыл аягына чейин дагы 6 чакан ГЭСти пайдаланууга берүү пландалууда.
Мындан тышкары, Камбар-Ата-2 ГЭСинде кубаттуулугу 120 МВт болгон экинчи агрегатын 2028-жылы ишке киргизүү каралууда. Ошондой эле 2027-жылдын аягына чейин бардык тиричилик абоненттерин акылдуу электр эсептегичтер менен камсыздоо пландалууда.



