Бүгүн, 27-февралда Ош шаарынын борбордук аянтында Президенттин Ош облусундагы ыйгарым укуктуу өкүлүнүн аппаратына жана 7 райондук мамлекеттик администрация башчысы-акимдин орун басарларына жалпы 14 кызматтык унаа жана Кара-Суу райондук мамлекеттик администрациясына 1 автобус берилди.
Жаңы унаалардын ачкычын Президенттин Ош облусундагы ыйгарым укуктуу өкүлү Эльчибек Жантаев тапшырып, жетекчилерди жаңы унаалуу болушу менен куттуктады.
Райондорго берилген Chevrolet Tracker жана Chevrolet CobaIt үлгүсүндөгү кызматтык автоунаалар жана 1 даана автобус 2025-жылы чыгарылган.
