Кадамжай районунун муниципалдык, ошондой эле «Кадастр» ишканасынын жооптуу кызматкерлеринин абалынан кыянаттык менен пайдаланган фактылары аныкталды. Бул тууралуу УКМКдан маалымдашты.

Тактап айтканда, 2016-жылы Кадамжай райондук администрациясынын жетекчиси М.А. жер мыйзамдарынын ченемдерин, ошондой эле жергиликтүү өз алдынча башкаруу чөйрөсүндөгү ченемдик-укуктук актыларды бузуу менен 14,5 га жайыт жерлерин калктуу конуштардын категориясына трансформациялоо жөнүндө буйрук чыгарган, ал эми бул прерогатив КР Өкмөтүнө гана таандык болгон.

ЖӨБОнун кызматкерлери тарабынан 2016-жылдан 2021-жылга чейин Ирелеш айылынын жергиликтүү тургундарына жеке курулуш үчүн жер участоктору берилип, аларга «Кадастр» мамлекеттик ишканасы Кадамжай филиалынын жооптуу кызматкерлери тарабынан жеке менчикке укук жөнүндө актылар берилген.

2024-жылдын 17-январында Баткен шаарынын соту жана анын негизинде кабыл алынган Халмион айыл башкармалыгынын токтомдору жокко чыгарылып, ал үчүнчү жак тарабынан Баткен облусунун административдик иштер боюнча соттук коллегиясына даттанылган.

2024-жылдын 5-июнунда Баткен административдик соттук коллегиясы 2024-жылдын 5-сентябрында күчүнө кирген биринчи инстанциянын чечимин күчүндө калтырган.

Жыйынтыгында 2025-жылдын 14-февралындв чыккан токтом менен 14,5 га жер тилкеси жайыт жерлердин категориясына которулуп, анын ичинен 6 га жер тилкеси Халмион айыл өкмөтүнүн балансына кайтарылып берилген.

Учурда башка жергиликтүү өз алдынча башкаруу органдарында жана мамлекеттик органдарда ушул сыяктуу фактыларды аныктоо боюнча тиешелүү иш-чаралар улантылууда.