Республикалык жоокерлердин энелер комитетинин төрайымы Уулкан Байгубатова “Мекен жана мен” теле долбоорунун алкагында ИИМдин Ички аскерлеринин Баткен шаарындагы 7707 аскер бөлүгүнө иш сапар менен барды.
Бул долбоор 7-каналдын колдоосу менен уюштурулуп коомчулукка аскер турмушун, алардын ишмердүүлүгүн чагылдыруу менен жаш муундарды мекенчилидикке тарбиялоого багытталган.
7707 аскер бөлүгүндө алгач Баткен окуясында курман болгон аскер кызматкерлерин эскерүү менен башталып, эстеликтерге гүл чамбар коюлду. Андан соң жаш жоокерлер арасындагы сүрөтчү, манасчы, жаш акын жана алтын обон таланттары менен таанышышты.
Курал менен саптык ыкмалар, куралды убакытка чачуу жана жыйноо, спорттук иш чаралар көрсөтүлүп, ок атуу көнүгүүлөрүн аткаруу менен жыйынтыкталды.
