Жол кыймылынын коопсуздугун камсыздоо багытында өлкө башчысынын койгон тапшырмасына ылайык, буга чейин ИИМдин ардагерлери, дин кызматкерлери менен айдоочуларга жол кыймылынын эрежелерин сактоо боюнча түшүндүрүү иштери жүргүзүлгөн.
Ал эми бүгүн, 73-мектебинен жаш тескөөчүлөр айдоочуларга жеринен сурамжылоо иштерин жүргүзүштү.
Иш-чаранын башталышында Жол кыймылынын жаш тескөөчүлөрүнө ЖКККББнын кызматкерлери коопсуздук багытында нускама өткөрүшүп, андан кийин биргеликте айдоочуларды токтотуп, күнүмдүк жолдо кездешкен жол эрежелерин сурашты. Билбеген айдоочуларга жеринде эскертүү жана түшүндүрүү иштери жүргүзүлүп, Жол кыймылынын коопсуздугун камсыздоо башкы башкармалыгы тарабынан даярдалган жол кыймылынын эрежелерин камтыган китептер таратылды.
