Президент Садыр Жапаров жана Биринчи айым Айгүл Жапарова Мажарстанга болгон иш сапарынын алкагында Будапешт шаарындагы Мажарстандын мамлекеттик опера театрына ардактуу конок катары барышты.
Концерттик программа делегация башчылары жана алардын жубайлары үчүн ТМУнун бейформал саммитинин маданий программасынын алкагында тартууланды.
Мажарстандын мамлекеттик операсы — өлкөнүн башкы опера театры, Будапешттин борборунда жайгашкан. 1884-жылы ачылган имарат мажарстандык архитектор Миклош Ибл тарабынан долбоорлонгон жана барокко элементтери менен неоренессанс стилинде курулган.
