Кыргызстандын футбол боюнча жаштар курама командасы Иран менен кез келип, атаандашты 4-3 эсеп саны менен жеңди.
Австриялык адис Алекс Бауэрдин жетекчилиги алдындагы Кыргызстандын жаштар курамасы ушул күндөрү Ташкент шаарында өтүп жаткан Борбор Азиянын футбол ассоциациясынын U-17 CAFA Championship Эл аралык мелдешине катышууда.
Кыргызстандын курамасы 25-май күнү 1-3 эсебинде жеңилүү ызаасын тартты. Экинчи оюн күнүндө курамабыз Иран менен кез келип, атаандашты 4-3 эсеп саны менен жеңди. Голдордун авторлору: Төлөнөв Элбек (9′), Мирланов Байэл (26′), Казаков Бекзат (50′), Ишенбаев Улукбек (89′).
Өзбекстан жана Иран курамалары менен биргеликте биздин курама «А» тайпасында орун алса «B» тайпасында Ооганстан, Тажикстан жана Түркмөнстан курамадары күч сынашууда.
