«Манас» аэропорту жоголгон жүктөрдү сатат деген маалымат чындыкка дал келбейт. Бул тууралуу аталган кызматтан кабарлады.
«Сактоочу жайда жыл сайын жоголгон же унутулуп калган көп сандагы чемодан топтолот. Учурдагы эрежелерге ылайык, аэропорт 6 айдан ашык ээси табылбаган жүктү жок кылууга укуктуу. Бирок кайрадан кайрымдуулук акциясы уюштурулуп, чемодандардын ар бири болгону 175 сомдон сатыка чыгат. Кененирээк маалымат http://manas-airports-baggage.bestofferlt.com/kg сайтында бар»- деп берилет маалыматта.
«Кыргызстан Аэропорттору» мындай шектүү шилтемелерге кирбөөнү жана белгисиз эсептерге акча которбоону эскертет.
