“Кыргызалтын” ААКсынын башкармалыгынын төрагасы Кубат Абдраимов Кумтөр кен жайындагы калдык сактоочу жайды кайра иштетүү долбооруна расмий старт берди. Бул чечим өндүрүштү жогорулатуу жана экологиялык коопсуздукту камсыз кылуу максатын көздөйт.
Абдраимов белгилегендей, бул — Кыргызстанда алгачкы жолу ишке ашырылып жаткан, татаал жана технологиялык жактан өтө маанилүү долбоор.
Дүйнөлүк тажрыйба эске алынмакчы. Долбоордун өзөгүн калдык сактоочу жайды кайра иштетүүчү комплекстин курулушу түзөт. Курулуш процессинде экологиялык тең салмактуулук, коопсуздук жана аймактын өзгөчөлүктөрү тыкыр сактала тургандыгы белгиленди.
Бул кадам – Кумтөрдөгү ресурстарды максималдуу пайдалануу менен, өлкө экономикасына кошумча салым кошуу аракети катары бааланып жатканы айтылды.
