Министрлер кабинетинин төрагасы Адылбек Касымалиев жалпы республикалык тестирлөөнүн жыйынтыгы боюнча эң жогорку балл алган мектеп бүтүрүүчүлөрүн «алтын сертификаттар» менен сыйлоо аземине катышты.
Иш-чарага «алтын сертификаттын» 54 ээси, ошондой эле ЖРТдан жогорку балл алган 19 окуучу катышты. Министрлер кабинетинин башчысы президент Садыр Жапаровдун атынан окуучуларды сертификаттарды алышы менен куттуктап, алар өлкөбүздүн сыймыгы экенин белгиледи.
Касымалиев мектеп бүтүрүүчүлөрүнө келечектеги кесибин тандоого өзгөчө жоопкерчилик менен мамиле кылууну каалап, өлкөбүздүн өнүгүшү үчүн билимдүү, жоопкерчиликтүү, кесипкөй жана патриоттук маанайдагы кадрлар керектигин айтты.
Иш-чаранын катышуучуларына ата мекендик өндүрүштөгү ноутбуктар белекке берилди.
