Якутияда автобус жардан кулап, 13 адам каза болду, алардын үчөө — кыргызстандык. Бул тууралуу ТИМ билдирди.
Маалыматка ылайык, 21-июлга караган түнү Нерюнгрин районунда «Чыгыш Денисовская» шахтасынын кызматкерлерин ташып бараткан автобус жардан кулап, 13 адам каза болгон.
Алардын ичинде 44 жаштагы, 34 жаштагы жана 25 жаштагы Кыргызстандын жарандары бар экени аныкталган.
Каза болгондордун сөөгүн алып келүү аракеттери көрүлүп, Якутскидеги дипөкүлчүлүк жакындарына тийиштүү жардам көрсөтүп жатканы айтылды.
