Эми жеке банктык картаны, электрондук капчыкты, мобилдик банкингди жана SIM-картаны башка бирөөгө берген жарандар жоопко тартылат.
Бул туурасында мыйзам Жогорку Кеңеш тарабынан кабыл алынып, Президент Садыр Жапаров кол койду.
Ага ылайык адамдын өзүнүн банктык картасын, эсебин, электрондук капчыгын, мобилдик банкингин, SIM-картасын же башка финансылык реквизиттерин үчүнчү жактарга берүүсүнө же сатуусуна жол берилбейт.
Мындай тартип IT-технологиялары аркылуу жасалган кылмыштардын деңгээлин азайтууга өбөлгө түзөт.
