Акыркы убактарда курулуш компаниялар мыйзам бузуулар менен жеке жактарга батирлерди саткан учурлар көбөйүүдө. Мындай маалыматты КР Мамлекеттик салык кызматы билдирди.
Тактап айтканда:
-сатып алуучуларга турак жайга менчик укугун тастыктаган укук белгилөөчү документтер берилбейт (сатып алуу-сатуу келишими, кабыл алуу-өткөрүп берүү актысы, менчик укугу жөнүндө күбөлүк ж. б.);
– турак жайлар иш жүзүндө жашоого берилген, бирок расмий колдонууга берилген эмес;
– батир сатуу боюнча келишимдер мыйзамда каралган тартипте катталбайт, бул жарандар үчүн тобокелдиктерди жана куруучулардын ишмердүүлүгүнө салык төлөөдө тоскоолдук жаратышы мүмкүн.
Бул фактылар атайылап салык төлөөдөн качуу механизми экени айтылды.
Салык кызматы эскертет: Эгерде сиз батирде үч айдан ашык жашап жатсаңыз, бирок үй расмий колдонууга берилбесе жана турак-жайга менчик укугун тастыктаган документтерди ала элек болсоңуз, анда бул тууралуу Салык кызматына кабарлаңыз.
Бул үчүн WhatsApp мессенджери аркылуу төмөнкү номерге жазыңыз: +996 503 49-12-33.
