Каракол шаардык сотунун соттук отурумдарынын мурдагы катчысы 70 миң сом өлчөмүндө пара алганы үчүн кармалды.
Тактап айтканда, аталган жаран сот отурумдарынын катчысы болуп иштеп жүргөн кезде, Каракол шаардык сотунун судьясынын атын жамынып, жарандык иш боюнча оң чечим чыгарууга көмөктөшөм деген шылтоо менен жабырлануучудан опузалап акча талап кылган.
Жүргүзүлгөн иш-чаралардын жыйынтыгында, кармалган жаран Каракол шаардык Ички иштер бөлүмүнүн убактылуу кармоочу жайына киргизилди.
Учурда бул кылмышка Каракол шаардык сотунун судьясынын катышы бар-жогу аныкталууда.
