Жарандык авиация мамлекеттик агенттигинин директору Данияр Бостонов баштаган делегация Румынияга иш сапары менен барды.
Агенттиктен билдиришкендей, делегация Румыниянын Жарандык авиация жана Транспорт министрлигинин секретариаты менен ошондой эле Жарандык авиация башкармалыгынын башкы директору Николаев Стойка менен жолугушту.
Тараптар Кыргызстан менен Румыниянын ортосунда аба каттамдары боюнча келишимге кол коюу мүмкүнчүлүгүн аны менен катар Кыргызстан Европа биримдигинин “кара тизмесинен” чыгарылгандан кийин Бишкек – Бухарест түз аба каттамын ачуу перспективаларын талкуулашты.
Тараптар жарандык авиация багыттарын, жөнгө салуу, инфраструктура жана кадр даярдоо маселелерин карашты.
