Ленин райондук ички иштер башкармалыгынын №1 шаардык милиция бөлүмүндө М.А. аттуу жаран каза болду.
Аталган факты боюнча райондук прокуратура «Бийликтен аша чабуу» беренеси менен кылмыш ишин козгоду.
Тергөө аракеттерин жүргүзүү Улуттук коопсуздук мамлекеттик комитетинин Бишкек шаары боюнча башкармалыгына тапшырылды.
Учурда соттук-медициналык экспертиза дайындалып, тийиштүү баардык тергөө аракеттери прокуратура органынын көзөмөлү астында жүргүзүлүүдө.
Спутник Кыргызстан басылмасынын маалыматына ылайык, милиция кызматкерлери «Ош» базарында ары-бери өткөндөрдү кубалап, товарларды ыргытып жаткан кишини кармап келишкен.
