Россияда WhatsApp жана Telegram мессенжерлери аркылуу чалуулар жарым-жартылай бөгөттөлдү.
Роскомнадзор мындай чара кылмышкерлер менен шылуундардын аракетин алдын алуу үчүн кабыл алынганын кабарлады.
Ал эми Коомдук палатанын коопсуздук боюнча комиссиянын төрагасынын орун басары Георгий Волков “чет элдик мессенжерлер чет жактан чалган шылуундардын негизги куралы болуп калды. Биздин жарандарга чалгандардын көбү WhatsApp менен Telegramдын аудио сервисин колдонушат. Ошондуктан айына чет жактан он миңдеген шылуун чалат”- деди.
