Бүгүн, 18-августан 30-сентябрга чейин “Электрондук каттоо” автоматташтырылган маалыматтык системасында кеч каттоо жүргүзүлөт. Бул тууралуу Агартуу министрлигинен билдирди.
Эми “Каттоону жокко чыгаруу” баскычы кайрадан иштетилет. Эгер зарылчылык жаралса, ата-энелер мурунку каттоону жокко чыгарып, баланы бош орун бар башка мектепке кайрадан каттай алышат.
Баланы өз убагында мектепке каттабагандыгы үчүн жоопкерчилик ата-энеге же мыйзамдуу өкүлгө жүктөлөт.
13-августка карата системада 75 миңге жакын бала эч бир мектепке катталбай турган. Жарандардын кайрылууларын, айрым мектептерде квота көбөйтүү боюнча аймактык билим берүү органдарынан келип түшкөн сунуштарды эске алуу менен Агартуу министрлиги 13-15-августта кошумча квоталарды ачуу жөнүндө чечим кабыл алган.
