Ысык-Көл районунун Тору-Айгыр кичи футбол аянтынын курлушунда мыйзам бузуулар аныкталды. Бул тууралуу Курулуш, архитектура жана турак жай-коммуналдык чарба министрлигинен билдирди.
Футбол аянтынын курулушуна жергиликтүү өз алдынча башкаруу органдарынын эсебинен 3 млн 181 миң сом бөлүнгөн.
Текшерүү учурунда долбоорго мамлекеттик экспертиза жүргүзүлбөгөндүгү, курулушка уруксат берилбегендиги, объект реестрде жок экендиги жана мамлекеттик архитектуралык-курулуш контролдоо департаментинен өтпөгөндүгү аныкталган.
Ошондой эле долбоордук чечимдердин бузулгандыгы, атап айтканда, материалдар алмаштырылып, фундаменттин тереңдиги азайтылгандыгы жана конструкцияда кемчиликтер аныкталган.
Текшерүүнүн жыйынтыгында тиешелүү жактарга юридикалык баа берүү үчүн керектүу материалдары укук коргоо органдарына өткөрүп берүү чечими кабыл алынды.
