Коррупция фактысы боюнча подряддык уюмдун директору кармалды. Бул тууралуу УКМКдан билдиришти.
Маалыматка ылайык, Кара-Балта шаарындагы парктарды көрктөндүрүүгө, ошондой эле суу менен камсыздоо жана канализация тутумдарын оңдоого бөлүнгөн 1 млрд сомдун өздөштүрүлүүсү боюнча текшерүү жүргүзүлүп, натыйжасында иш аткаруучу «Г.Т.И.» ЖЧКнын башкы директору А.Н.А. тарабынан аткарылган жумуштардын жана курулуш-монтаждоо иштеринин бааларын жалпы көлөмү 27,2 млн сомго жасалма негизде жогорулаткандыгы аныкталган.
Аталган ишкананын жетекчиси А.Н.А.га карата «Коррупция» беренесинде каралган кылмыштын белгилери боюнча кылмыш иши козголуп, ал УКМКнын тергөө абагынын убактылуу кармоочу жайына киргизилди.
