Ош шаарынын мэри Жеңишбек Токторбаев шаар казынасын үнөмдөө жана экологиялык жактан зыянсыз унааларга өтүүнү демилгелеп шаардык мэриянын жана түзүмдүк бөлүмдөрүнүн кызматтык унааларын электромбилдерге өткөрүүдө. Бул тууралуу мэриянын басма сөз кызматы билдирди.
Маалыматка ылайык, бүгүн жаңы алты электромобиль унаалары шаардык кеңеш төрагасына жана мэрдин орун басарларына, аппарат жетекчиге тапшырылды.
Алсак Ош шаарынын мэриясынын автогаражындагы унаалар ай сайын 3 тоннага жакын күйүүчү май коротуп, сатып алууга эле жылына 3 млн сомдон ашык каражат кетет. Андыктан бюджетти үнөмдөө менен электромобилдерге өтүү максаттуу жана экологиялык жактан да пайдалуу болуп саналат.
