Филиппиндеги жер титирөөдөн каза болгондордун саны 60ка жетти. Бул тууралуу РИА Новости агенттиги жазып чыкты.
Буга чейин, Себу провинциясынын жээгинде болгон жер титирөөдөн 26 киши каза болуп, 147 адам жаракат алганын кабарлаган болчу.
АКШнын Геологиялык кызматы (USGS) тараткан маалыматка ылайык, 6,9 баллдык жер титирөө Калапе муниципалитетинен 11 чакырым алыста катталган. Ошол эле күнү Либертад шаарында дагы 5 баллдык кайталанма жер титирөө сезилген.
Учурда издөө-куткаруу иштери уланууда. Жергиликтүү бийлик жабыркагандарга жардам көрсөтүп, коопсуздук чараларын күчөттү
