Президент Садыр Жапаров бүгүн, 5-октябрда, Ош облусуна жумушчу сапарынын алкагында Ош шаарындагы «Булак» спорттук-ден соолукту чыңдоочу комплексинин ачылыш аземине катышты.
Мамлекет башчысы меймандар менен кыска саламдашуудан кийин символикалык түрдө комлекстин боосун чечти.
Андан соң Президентке спортчулар үчүн түзүлгөн шарттар, анын ичинде спортчулардын көрсөткүчтүү сүзүүсү менен олимпиадалык үлгүдөгү бассейн, заманбап фитнес-зона, ошондой эле эс алуу жана калыбына келүү үчүн кошумча зоналар көрсөтүлдү.
Комплекс мамлекеттик-жеке өнөктөштүктүн негизинде түзүлгөн.
2024-жылдын июль айында башталган курулуш иштери бүгүнкү күндө толугу менен 100 пайызга аяктаган. Долбоордун жалпы наркы 202 млн сомду түздү.
