Европа Биримдиги (ЕБ) билим берүү тармагын колдоо максатында Кыргызстандын өкмөтүнө гранттык негизде 6,5 миллион евро же болжол менен 663 миллион сом өлчөмүндөгү бюджеттик жардамды которду. Бул тууралуу Агартуу министрлигинин басма сөз кызматынан билдиришти.
Маалыматка караганда, ЕБнын колдоосу Агартуу министрлигинин илим, технология, инженерия жана математика (STEM) багытындагы ишмердүүлүгүн колдоого, санариптик сабаттуулукту, медиа сабаттуулукту жана “жашыл көндүмдөрдү” илгерилетүүгө, ошондой эле заманбап жаңы окуу китептери менен камсыздоого жардам берүүгө багытталган.
Бул транш Кыргызстандагы “Алтын Казык” улуттук билим берүү программасын ишке ашыруунун алкагында Европа Биримдиги тарабынан бөлүнгөн жалпы 27 миллион евронун үчүнчү төлөмү болуп саналат.
