Легендарлуу актер Жеки Чандын «Доспехи Бога: Ультиматум» тасмасынын төртүнчү бөлүгү Казакстанда тартылат. Бул тууралуу коңшу өлкөнүн маалымат каражаттары жазып чыгышты.
Казакстандык медиакомпаниянын башкы директору Игорь Цай аталган өлкөнүн президенти Касым-Жомарт Токаев менен Digital Bridge 2025 форумунун алкагында жолугушуу учурунда «Биз азыр Жеки Чан ойногон тасманы тартып жатабыз. «Доспехи Бога — 4″ Казакстанда тартылат», -деп билдирген .
«Доспехи Бога» тасмасы 1986-жылы Жеки Чан тарабынан тартылып, өзү башкы каармандын ролун жараткан тасма. Кийинчерээк; «Доспехи Бога — 2: операция «Кондор» (1991) жана «Доспехи Бога — 3: миссия «Зодиак» (2012) аталышында уландылары чыккан.
Белгилей кетсек, буга чейин Жеки Чан Алматыга келгени кабарланып, бирок анын катышуусу менен тасма тартуу пландалып жатканы маалымдалган эмес.
Посмотреть эту публикацию в Instagram
