Бүгүн, 7-октябрда №60 «Баластан» бала бакчасынын жаңыртылган имараты ачылды. Бул тууралуу мэриянын басма сөз кызматы кабарлайт.
Маалым болгондой, аталган саамалыкка Бишкек шаарынын мэри Айбек Джунушалиев катышты.
Эки кабаттуу имарат 140 орунга ылайыкташып, жылма керебеттер менен 280 бала тарбияланат. Жалпы аянты 1363 чарчы метр, ал эми аймагы 0,4 гектарды түзөт. Капиталдык оңдоонун жүрүшүндө имараттар толугу менен жаңыланып, мектепке чейинки билим берүү үчүн заманбап жана ыңгайлуу шарттар түзүлдү.
Балдар бакчада медициналык кабинет, ашкана, кир жуучу жай, чарбалык бөлмөлөр, актовый зал, оюн бөлмөлөрү, уктоочу бөлмөлөр каралган. Айланасы көрктөндүрүлүп, жашылдандырылды жана ар бир топ үчүн өзүнчө оюн аянтчалары уюштурулду.
