Кара-Суу районундагы «Бандит» рейдинин жүрүшүндө 44 адам милиция бөлүмдөрүнө жеткирилген. Укук коргоо органдарынын маалыматы боюнча, операция уюшкан кылмыштуу топтун мүчөлөрүнүн мыйзамсыз аракеттерин аныктоо жана алдын алуу максатында өткөрүлдү.
Маалым болгондой, мурда соттолгон жарандар менен профилактикалык сүйлөшүүлөр жүргүзүлдү. Кармалгандардын тогузу уюшкан кылмыштуу топтун мүчөлөрү болгон.
Эгерде кандайдыр бир кылмыш иштери уланса же жаштарды мыйзамсыз иштерге тартуу аракеттери көрүлсө, аларга мыйзам чегинде катуу чаралар көрүлөрү эскертилди.
