БШК төрагасы Тынчтык Шайназаров парламенттик шайлоону өткөрүүдөгү үгүт иштери расмий түрдө 10-ноябрда башталарын айтып, ага чейин үгүт иштерин баштап алгандарга эскертүү берди. Бул тууралуу ал атайын шайлоо боюнча уюштурулган маалымат жыйында билдирди.
«Шайлоого катышуу ниетин билдирген айрым жарандар үгүт жүргүзүп жатышат, бул мыйзамсыз. Азырынча оозеки эскертүү берип жатабыз, мындан ары мыйзам чегинде чаралар көрүлөт», — деди ал.
Чет өлкөлөрдө 59 шайлоо участогу бар, кошумча дагы 41 участок ачуу сунушталып жатат.
Жалпысынан 34 мамлекетте, 89 шаарда 100 шайлоо участогун түзүү пландалууда
