2025-жылдын 20-октябрында Ысык-Көл облусунун Каракол шаарында «Кыялымдагы Кыргызстан. Ысык-Көл» аттуу форуму болуп өтөт. Бул тууралуу Маданият, маалымат жана жаштар саясаты министрлигинин басма сөз кызматы билдирди.
Маалыматка ылайык, форум жаштардын социалдык жана экономикалык өнүгүүсүнө салым кошуу, демилгелерин колдоо жана өлкө келечегин биргелешип куруу максатында уюштурулуп жатат.
Иш-чара Бишкекте өткөн жалпы улуттук форумдун регионалдык баскычы болуп саналат жана ага Кыргыз Республикасынын Президенти С. Жапаровдун колдоосу менен старт берилген.
“Борбордук стадиондо Каракол шаарында 3500дөн ашык жаштар чогулмакчы — активисттер, студенттер, волонтёрлор, жаш ишкерлер, жаштар уюмдарынын өкүлдөрү, мамлекеттик органдардын жана эл аралык өнөктөштөрдүн өкүлдөрү. Ошондой эле форумду онлайн форматта көрсөтүү пландалууда, жалпысынан 1 миллион көрүүчүнү камтыйт — социалдык тармактар жана өнөктөш платформалар аркылуу”, — деп жазылат маалыматта.
