АКШнын президенти Дональд Трамп Газа тилкесиндеги жаңжалдын аяктаганын Израилдин парламентинде сүйлөп жатканда билдирди. Бул тууралуу РИА Новости жазып чыкты.
«Согуш аягына чыкты», — деген ал кнессетте.
Трамп парламенттеги эстелик китепчеге конок катары пикирин жазып жатып, бул күндү «улуу» деп белгилеген. Муну менен катар эле ал ХАМАС курал таштоого макул болгонун айткан.
Бүгүн эртең менен Газа секторунда кармалып турган израилдик туткундардын биринчи тобу өзүнүн мекенине өткөн, өлгөндөрдүн сөөгү да берилген. Аны менен катар эле Израиль бошоткон палестиналык 1 966 туткундун да өз аймагына жөнөө үчүн автобустарга отурганы айтылган.
Эскерте кетсек, Трамптын тынчтык орнотуу планына ылайык, Газа секторунда атышуу 10-октябрда токтогон. Анда 72 сааттын ичинде туткундарды бошотушу керектиги белгиленген.
Посмотреть эту публикацию в Instagram
