Салык кызматынын төрагасынын орун басары Кубаныбек Ысабеков “Биринчи радионун” түз эфиринде Temu интернет-дүкөнү (кытайлык PDD Holdings компаниясына таандык) Кыргызстанда кантип салык төлөп калганын айтып берди.
Ысабеков билдиргендей, аларга ишкерлер кайрылып, “Temu салыкты төлөйбү же төлөбөйбү?” деген маселени көтөрө баштаган. Мындан улам Салык кызматы салык төлөтүү үчүн компаниянын өкүлдөрүнө кайрылганда, башында алар келбей койгон.
“Башкы прокуратура менен бирге Temu’га бөгөт коёлу деп сотко кайрыла баштаганда, алар эртеси эле “эмне кылыш керек, салыкты кандай төлөйбүз?” деп келип калышты. Андан кийин каттоодон өткөрүп, салыкты төлөттүрдүк”, — деди ал.
