Орусиянын аймагынан 770 миң эмгек мигранты депортацияланат. Мындай чечимди кечээ Орусиянын Мамлекеттик думасынын спикери Вячеслав Володин маалымдады.
Володин бир ай мурун көзөмөл реестринде турган чет элдик жарандарга мыйзамдашууга берилген мөөнөт аяктаганын билдирип, ага үлгүрбөгөн жарандар өлкөдөн чыгып кетүүгө милдеттүү экенин белгиледи.
“Ички иштер министрлигинин маалыматы боюнча 1-сентябрга карата көзөмөл реестрине 770 миң эмгек мигранты киргизилген. Анын үчтөн бир бөлүгү аялдар жана балдар. Эми алар өлкөдөн депортацияланат», — деди Володин.
Володин 2025-жылдын сегиз айында миграциялык мыйзамдарды бузган 35 миңге жакын чет элдик жаран өлкөдөн чыгарыларын кошумчалады.
