Кыргызстанга Россиядан күйүүчү май, майлоочу май импорттун көлөмү убактылуу кыскарганы байкалууда. Бул тууралуу Монополияга каршы жөнгө салуу мамлекеттик агенттигинин төрагасы Жеӊалы Орозабаев «Tazabek» басылмасына берген маегинде билдирди.
Анын айтымында, импорттун азайышы Россиядагы мунайды кайра иштетүүчү ири заводдордун убактылуу ишин токтотконуна байланыштуу.
Кыргызстан жыл сайын 1,2 млн тоннадан кем эмес мунай продукциясын базар баасында импорттойт. Бул лимит бар, бирок, октябрь айынын аягына чейин таасир этпейт.
Орозабаевдин айтымында, учурда кырдаал көзөмөлдө.
