Күн мурун Индиянын батышындагы Раджастхан штатында жүргүнчү ташыган автобус күйүп, кеминде 20 адам каза болду. Бул тууралуу жергиликтүү маалымат булактары жазып чыгышууда.
Маалыматка караганда, кырсык Раджастхан штатынын борбору Жайпур шаарынан 548 чакырым батышта жайгашкан Жайсалмер районунда болгон. Автобуста жалпысынан 57 жүргүнчү болгон.
Түтүн адегенде автобустун арткы бөлүгүнөн чыга баштаган. Айдоочу дароо токтоткон менен жалын бат эле салонго тараган.
Өрттүн келип чыгуу себеби азырынча тактала элек. Учурда тийиштүү кызматтар учурда иликтөө иштерин жүргүзүүдө.
