Франциянын президенти Эммануэль Макрон Париждеги Лувр музейинен уурдалган баалуу экспонаттар боюнча комментарий берди. Бул тууралуу ал X социалдык тармагына жазганын Lenta.ru маалымдады.
Макрон уурдалган баалуу зер буюмдарды кайтарып берүүгө, ошондой эле күнөөлүүлөрдү жазалоого убада берди. Ал болгон окуяны тарыхый мураска кол салуу деп атады.
«Биз искусство чыгармаларын кайтарып беребиз, ал эми күнөөлүүлөр жоопкерчиликке тартылат. Бул үчүн Париж прокуратурасынын жетекчилиги астында бардык аракеттер көрүлүүдө», — деп ишендирди ал.
Белгилей кетсек, 19-октябрь күнү эртең менен белгисиз адамдар Луврга киришкен. Алар оңдоо иштери жүрүп жатканынан пайдаланып сары жумушчу жилеттерин кийип, Аполлон галереясына өтүшкөн, ал жерден Наполеондун зер буюмдар коллекциясынан тогуз буюмду уурдап, андан кийин мотороллер менен из жашырып кетишкен.
