Улуу Британияда бейтап баш мээсине операция жасалып жаткан учурда кларнетте ойноду. Бул тууралуу чет элдик басылмалар жазып чыгышты.
Маалыматка ылайык, мурун логопед болуп иштеген 65 жаштагы пенсионер Дениз Бэкон 2014-жылы Паркинсон оорусуна чалдыгып, анын басуу, сууда сүзүү жана бийлөө жөндөмүн начарлаткан. Ал эми 5 жыл мурун кларнетте ойноону дагы токтотууга аргасыз болгон.
Бирок мээнин терең стимуляциясы — мээге имплантацияланган электроддор аркылуу жасалган хирургиялык процедурасы ага өзүнүн сүйүктүү музыкалык аспабын кайрадан колго алууга мүмкүндүк берди.
Процедура анын манжаларынын кыймылын дароо жакшырткан. Хирургдар төрт саатка созулган операцияда бейтаптын кларнетте ойноо жөндөмүнүн натыйжасын көрүп гана тим болбостон, уга да алышкан. Бул дарыгерлерге операциянын натыйжалуулугун баалоого жардам берген.
«Операциядан кийин оң колум бир топ жеңил кыймылдап, бул кларнет ойноо жөндөмүмдү жакшыртты. Мен азыртан эле басуу жөндөмүмдүн жакшырганын байкап жатам. Жөндөмдөрүм жакшырганын билүү үчүн бассейнге жана бий аянтчасына кайтып келүүнү чыдамсыздык менен күтөм», — дейт Дениз.
Посмотреть эту публикацию в Instagram
