Чет өлкөдөн каттоодон чыгарылып келген унаалар өлкөбүзгө киргенден кийин 10 күндүн ичинде каттоого турууга тийиш. Бул тууралуу ЖКККББнын басма сөз кызматы билдирди.
«Эгер каттоо мөөнөтү өтүп кетсе, унаа айып короо жайына киргизилип, тиешелүү айып пул салынат. Ошондой эле, эгер унаанын терезелери ал өлкөдө караңгылатылган болсо, биздин өлкөдө аны колдонууга уруксат албай туруп, айдоого болбойт. Уруксат алышыңыз керек же терезеден чечип коюу зарыл. Болбосо 20 миң сом айып салуу каралган»,- деп берилет маалыматта.
Посмотреть эту публикацию в Instagram



