2025-жылдын 1-октябрына карата «Балага сүйүнчү» төлөмү 103 миң 392 баланын ата-энесине берилди. Бул тууралуу Эмгек министрлигине караштуу мамлекеттик социалдык төлөмдөр боюнча чечимдерди даярдоо башкармалыгынын мамлекеттик жөлөк пулдар бөлүмүнүн башчысы Максат Туларбек кызы «Биринчи радиого» берген маегинде билдирди.
«Төлөм үй-бүлөнүн экономикалык социалдык абалына карабастан ар бир төрөлгөн бала үчүн берилет. Анын өлчөмү бир балага 4000 сомду түзөт. 2025-жылы 9 ай ичинде 103 миң 392 балага сүйүнчү төлөнүп берилди. Эгиз же андан көп бала төрөлсө ар бир балага 50 миң сомдон берилет», — деди Туларбек кызы.
